Vilddasa solista Annukka (Hirvas-Niillasa Heaikka Annukka) lea riegádan badjebearrašii Vuohču guovllus, Suoma sámiguovllu máttageahčen. Musihkkáoahput ee. piáno čuojaheames, lávlumis ja musihkkáteoriijas, allaskuvlaoahput Tampere universitehta Musihkádutkamuša lágádusas (etnomusikologiija). Lávllui ja čájáhalai solistan Ilpo Saastamočča etno operain Velho ja Riekko jagiid 1993-2000 ja Oulu NuKu:s dánsateahterčájálmasas “Nieida guhte šattai gollegoalsin” j. 2000.

Vilddasa lassin Annukka johtá sololávlumin, čájáhallá álot go eará bargguin astá (ee. Rávgoš teahter, man čájálmassii “Boahtteáigái” son maid ráhkadii musihká) ja logaldallá sámemusihkas. Annukka ássá Ohcejogas ja bargá Suoma Sámedikki Sámemusihka oahpahusa prošeavttas prošeaktahoavdan.

Mikko | Ari | Annukka | Karo | Risto | Marko